جاء الولد الى ابيه وقال: اعطيني 5 دنانير بدي اشتري كرة.
الاب بلهجة جادة: روح انقلع من وجهي تراها خربانة معي.
الولد: يابا مش معقول كل ما احكي معك شي تقول لي انقلع.. وانت ديمقراطي. مش هيك الديمقراطية. اعطيني 5 دنانير ولا اقول لك خليهم عشرة.
الاب: وشو دخل الديمقراطية في الموضوع.. يلا روح.. ما معيش مصاري. ولا اقولك علشان اكون ديمقراطي خذ الديك تبعنا وبيعه واشتري بثمنه كرة.
الولد :احلى ديمقراطي..بس هذا مريض وما حدا بيشتريه
الاب :فش عندي الا هل حل.. خذه ودبر حالك
المهم.. اخذ الولد الديك ومشى خطوتين بعدين رجع وقال لابيه:
تشتري الديك..
اجابه الاب: انقلع يا ولد بلاش اقوم ادعس ببطنك.
مشى الولد وهو يقول" ديكتاتور.. ابوي ديكتاتور.
قابل رجلا في الطريق وعرض عليه الديك فرفض.. وقابل اخر فرفض.. وقابل شخصا احول فقال له بعد ان تفحص الديك: انتوا بدكم تضحكوا علي.. هذان الديكين مرضانين..!؟
المهم.. امضى الولد ساعات دون فائدة ترجى..
وجلس على حجر مفكرا.. حتى هداه تفكيره الى ام علي.
وام علي هذه امراة فلتانة وريحتها فايحة وبتلعب بذيلها. ففكر انه يقدر ان يلعب عليها بسهولة ويبيعها الديك.
في بيت ام علي
ذهب الولد الى منزل ام علي. فاستقبلته احسن استقبال وادخلته الى المنزل واغلقت الباب. قائلة: اهلا اهلا بالحلو.. تعال بدي ابوسك بوسة خفيفة.
الولد: اتركينا من البوس . شوفي هل ديك ما احلاه بدي ابيعك اياه.
فشدته اليها وقبلته .. فصاح مشان الله اشتري الديك وخليني اروح
اجابته: تروح وين ياعمري!! انا ماصدقت إني شفت رجل عندي !؟.
انصطد الولد وقال: رجل!؟ شو انتي عندك عشا ليلي.. انا مش رجل انا ولد صغير. خلصينا اشتري الديك وخليني انقلع
فجاة دق الباب .. فخافت ام علي وصاحت يي هذا زوجي.. وقالت للولد تعال اخبيك بالخزانة حتى يطلع زوجي وتروح.
قال الولد وهو يقاومها : وبتشتري مني الديك..؟
قالت: نعم.. نعم.. بس يلا اتخبى.
وادخلته الى الخزانة. وذهبت تفتح الباب.. ولم يكن زوجها لكنه احد اصدقائها.
استقبلت ام علي الصديق بالقبلات قائلة: هلا بيك.. هلا بعمري وروحي..( وما الى ذلك) وهات يا بوس.. والولد يسمع من الخزانة.
كبسة
فجاة دق الباب مرة ثانية.. فصاحت ام علي يا ويلي اجا زوجي.. واخذت الرجل وادخلته الى الخزانة. واغلقتها وذهبت فتحت الباب لزوجها.
ما ان دخل الرجل في عز الظلام الى الخزانة حتى سمع صوتا يقول له :تشتري الديك..؟!
قال الرجل بخوف: اصصصصصصصص,,,,وطي صوتك الله يرحم والديك لاتفضحنا
الولد :أقول تشتري الديك؟
الرجل: ياخوي خلص بشتري الديك منك بس اسكت لو سمحت.
الولد :طيب..
وبعد شوي قال الولد: وبقديش تشتريه.
الرجل: بدينارين..بس اسكت.
الولد :لن ابيعه الا بخمسين دينارا .
الرجل: ايش!!!!!!!!!!!! هالديك المنتوف المريض ب 50 دينار!!!!!!!!!!!! شو انجنيت؟
>الولد :بدك تشتري ولا ارفع صوتي..
>الرجل: لا لا خلص,,بشتري وأمري لله..
الولد: هات المصاري..
الرجل يمد يده ويتناول ورقة مالية يعطيها للولد الذي يفتح باب الخزانة قليلا ويراها ويقول: هاي مش خمسين .. هاي عشرين. هات كمان ثلاثين .
واعطاه الرجل الثلاثين على مضض..
وجلسوا خمسة دقائق بصمت
ثم قال الولد:تبيع الديك؟
الرجل بغيظ: لساتك بايعه الي يا ابن الحلال!!
الولد مهددا :تبيعنياه ولا ارفع صوتي؟
الرجل: لا لا خلص,,اببيعه وأمري لله,,بكم تشتريه؟
>الولد :بدينار
الرجل: أيش!! بدينار!!!! انا مشتريه منك ب 50 وانت تشتريه مني بدينار!!!!!
الولد :تبيعنياه ولا ارفع صوتي؟
الرجل: لا لا خلص,,اببيعه وأمري لله.
وبعد 5 دقائق
الولد: تشتري الديك؟
الرجل: ياخوي لساتني مشتريه منك وبايعك اياه!
الولد : تشتري ولا ارفع صوتي؟
الرجال: لا لا خلاص,,بشتري وأمري لله,,,بكم تبيعه؟
الولد :ب100 دينار
الرجل: الله يسخطك يا ابن الكلب ..لساتني بايعك اياه بدينار وخسران 49!
>الولد : تشتري ولا ارفع صوتي؟
>الرجال: لا لا خلاص,,بشتري وأمري لله
ومرت خمسة دقائق اخرى..
الولد :تبيع الديك؟
الرجل: انا لله وإإنا إليه راجعون,,,,,بقديش بدك تشتريه ؟
الولد :بدينار
الرجل: شو بدكياني احكي!! بدكياني أبكي ولا أشقق اواعيي.. يلا خذ الديك ببلاش بس حل عني.
واعطاه الديك لحظة فتحت ام علي باب الخزانة وهربتهم واحد ورا الثاني لما دخل زوجها الحمام.
في البيت
خرج الولد سعيدا وغير مصدق ان معه149 دينارا بعدين راح
ع البيت ولما دخله شاف ابوه قدامه.. راح قال لابوه: تشتري الديك؟
نظر الاب اليه والشرار طالع من عيونه وقاله: ما كفاك يا ابن الـ ".." ال150 دينار اللي اخذتهم مني في الخزانة.
اجاب الولد: 149.. بس..! يا دكتاتور!؟.
